香港: 【電子煙之害】女童公園吞雲吐霧《蘋果日報》

「情況真係好離譜，啲小朋友只係小學生，啲家長又唔理。」有街坊在深水埗麗安邨公園，見到一群小學生圍埋吸食電子煙，為數多達10人，全部年約十多歲，輪流吸食，「你一啖我一啖」，一呼一吸噴出煙霧，手勢熟練，樣子十分享受。

《蘋果》記者在該公園遇到數名小學女生正在吸食電子煙，其中一名女童更手持電子煙天真地說：「呢啲對身體無害㗎，係假煙，玩具嚟㗎！」她還洋洋得意地向記者展示，電子煙管上貼着「假煙無害」的貼紙，又笑指電子煙是「玩具」，全無尼古丁和焦油。

另一名女童更笑說：「好似食糖咁囉！」記者直問其父母是否知情，她理直氣壯說：「知㗎，不過冇理喎，因為佢哋知呢啲煙係假煙。」其後數名女童更爭着向記者示範如何吸食，又教記者到西九龍中心商場購買：「可以講價到17、18蚊㗎！」

家長林太知道有中、小學生吸食電子煙時說：「政府廣告都有話，真煙同電子煙嘅毒害係一樣，如果（電子煙）真係更加有害，點可以任得（電子煙）佢放喺咁易買到嘅地方俾人買。」家長陳太則擔心學童養成吸煙習慣，「只係個雛形畀佢哋（學生）試食煙，然後去另一個階段，唔應該畀佢哋有一個食煙嘅效果」。

http://hk.apple.nextmedia.com/realtime/breaking/20160521/55131513